ខ្សែប្រយុទ្ធ Ibrahima Wadji របស់ក្រុម Qarabag រកគ្រាប់បាល់១គ្រាប់ ដោយលួចយកដៃទះបាល់បញ្ជូលទីក្នុងការប្រកួតទល់ក្រុម Marseille នៅយប់មិញក្នុងពាន Conference Cup។
គ្រាប់បាល់នោះត្រូវបានបោះបង់ចោលវិញ ក្រោយពីលោក Gurban Gurbanov គ្រូបង្វឹកក្រុម Qarabag ជាអ្នកទៅប្រាប់អាជ្ញាកណ្ដាលថាបាល់នោះជាបាល់ប៉ះដៃចូលទីទេ។ ខណៈដែលអាជ្ញាកណ្ដាលមិនបានឃើញ និងបានផ្ដល់បាល់ឱ្យទៅខាង Qarabag ទៅហើយ ព្រោះពានរង្វាន់នេះ មិនមានវីដេអូជំនួយអាជ្ញាកណ្ដាល VAR ដើម្បីប្រើប្រាស់នោះទេ។ ការបង្ហាញភាពស្មោះត្រង់របស់លោក Gurbanov ត្រូវបានគ្រប់គ្នាកោតសរសើរមែនទែន។
រំលឹកថាការប្រកួតរវាងក្រុមទាំងពីរបានបញ្ចប់ទៅ ដោយក្រុម Marseille យកឈ្នះលើក្រុម Qarabag ក្នុងលទ្ធផល ៣-០ នៅជើងទី២នេះ ហើយសរុបទាំងពីរជើងទៅគឺក្នុងលទ្ធផល ៦-១ ឯណោះ៕ ប្រភព៖ DailyMail