លោក Jose Mourinho មានទំនុកចិត្តចំពោះកៅអីអ្នកចាត់ការរបស់ខ្លួននៅក្លឹប Manchester United មិនមានអ្វីរង្គោះរង្គើឡើយ ហើយស្ថានភាពនឹងត្រលប់ទៅរកភាពធម្មតាវិញឆាប់ៗនេះ។
ក្រុមបិសាចក្រហម នឹងត្រូវតតាំង ជាមួយក្រុម Valencia នៅម៉ោង២រំលងអាធ្រាត្រយប់នេះ ក្នុងពានរង្វាន់ UEFA Champions League វគ្គសន្សំពិន្ទុតាមពូល។ ការប្រកួតនេះ ពិតជាសំខាន់ណាស់សម្រាប់លោក Jose ប្រសិនបើលោកដឹកនាំ Man Utd ចាញ់ទៀត នោះកៅអីរបស់ខ្លួន អាចនឹងក្ដៅខ្លាំងមិនខាន ក្រោយពីនៅលីគអង់គ្លេស ក្រុមនេះធ្វើមិនបានល្អទាល់តែសោះ។
បើទោះជាយ៉ាងនេះក្ដី អ្នកចាត់ការល្បីឈ្មោះរូបនេះ បានប្រាប់ទៅអ្នកកាសែតថាលោកមិនមានក្ដីបារម្ភអ្វីឡើយ។ លោកនៅតែមានទំនុកចិត្តថាកូនក្រុមរបស់ខ្លួន នឹងធ្វើបានល្អនៅរាត្រីនេះ ហើយយកជ័យជម្នះដើម្បីបញ្ចប់ការរិះគន់ទាំងអស់។ Jose ដឹងច្បាស់ថាមានកីឡាករក្នុងក្រុមមួយចំនួន មិនសប្បាយចិត្តជាមួយលោក ប៉ុន្តែក៏មានខ្លះពេញចិត្តនឹងការដឹកនាំរបស់ខ្លួនដែរ៕ប្រភពDailyMail
