Marcus Rashford បានរងការរិះគន់ពីអ្នកវិភាគ និងអ្នកគាំទ្រជាច្រើន ថាបង្ហាញទម្រង់លេងមិនបានល្អ ពេលប្រកួតទល់ Atletico Madrid កាលពីយប់មិញ។ ដោយបាន Anthony Elanga ប្តូរចូលជំនួស ទើបរកបានគ្រាប់បាល់តាមស្មើឲ្យ United។
ងាកមកការយល់ឃើញរបស់ Paul Scholes ឯណេះ បាននិយាយថា កីឡាករអង់គ្លេស គួរតែកុំខំចង់បង្កើតអ្វីដែលមើលទៅអស្ចារ្យខ្លាំងពេក ពោលលេងធម្មតាៗបានហើយ សំខាន់ក្រុមត្រូវតែឈ្នះ។
អតីតខ្សែបម្រើ Man Utd និយាយ៖ “Rashford គេមើលទៅគួរឲ្យព្រួយចិត្តណាស់សម្រាប់ខ្ញុំ ព្រោះគេពេលខ្លះព្យាយាមធ្វើអ្វីដែលពិបាកពេក ពេលបាល់ជាប់ជើង គេដូចជាព្យាយាមចង់បង្កើតអ្វីឲ្យដូចជាវេទមន្ត ហើយពេលខ្លះរបៀបហ្នឹង ជារឿងអាក្រក់បំផុតទៅវិញទេ”។
លោកបន្ត៖ “ខ្ញុំតែងតែចងចាំថាពេលស្ថិតនៅពេលវេលាលំបាក លោក Sir Alex តែងតែនិយាយ ឲ្យពួកយើងលេងសាមញ្ញៗ ធម្មតាៗ នេះខុសពី Rashford គេមិនធ្វើបែបហ្នឹងទេ គេតែងតែគិតចង់បង្កើតអ្វីផ្សេង ដូច្នេះគេគួរតែកែប្រែ ដើម្បីត្រលប់មករកទម្រង់លេងដ៏ល្អវិញ”៕
ប្រភព៖ AF