បើតាមសារព័ត៌មាន SER Deportivos ចុះផ្សាយថា កីឡាករ Dani Ceballos បាននឹងកំពុងត្រៀមវិលត្រលប់ទៅកាន់អតីតក្លឹបចាស់ គឺ Real Betis នាពេលខាងមុខវិញ ប្រសិនណាជាលោក Carlo Ancelotti នៅបន្តដឹកនាំ Real Madrid នារដូវកាលបន្ទាប់។
នោះក៏ដោយសារតែក្រោមការចាត់ការរបស់គ្រូសញ្ជាតិអ៊ីតាលី សម្រាប់កីឡាករអេស្ប៉ាញខាងលើ មិនទទួលបានឱកាសសោះឡើយ ជាក់ស្តែងដូចរដូវកាលនេះ ឈរជើងលើទីលានបានតែ ៦៥ នាទីគត់។
ប្រភពបានឲ្យដឹងថា ក្លឹប Betis ឯណោះ ក៏ចាប់អារម្មណ៍មកលើគេផងដែរ ហើយព្យាយាមចង់ខ្ចីជើងគេតាំងតែពីរដូវរងា។ ឥឡូវកីឡាករផ្ទាល់ បានមានចិត្តចង់ចាកចេញហើយ ដូច្នេះការចរចាពេលខាងមុខ ទំនងជាមិនពិបាកឡើយ។ រំឭកថា Ceballos ធ្លាប់ជាអតីតកីឡាកររបស់ក្លឹប Betis តាំងពីជំនាន់ថ្នាល នៅឆ្នាំ ២០១២ ដល់ ២០១៧៕
ប្រភព៖ SER