ជើងទី ១ វគ្គ ១៦ ក្រុមចុងក្រោយ នៅឯទឹកដីអេស្ប៉ាញ ក្លឹប Man Utd បានត្រឹមស្មើ ១-១ ទល់ Atletico Madrid ដែលលទ្ធផលនេះ មិនទាន់អាចរំពឹងខ្ពស់ ក្នុងការឡើងទៅវគ្គបន្តឡើយ។ លទ្ធផលនៅជើងទី ២ ទាមទារឲ្យស៊ី ១-០ ឬបានត្រឹមស្មើ ដើម្បីកាត់សេចក្តីនៅបាល់ថែមម៉ោង និងប៉េណាល់ទី។
យ៉ាងណាជាមួយលទ្ធផលសារនេះដែរ លោក Ralf Rangnick បានសរសើរដល់សមត្ថភាពកីឡាករវ័យក្មេង Anthony Elanga ដែលជាអ្នករកបានគ្រាប់បាល់ ដោយសង្កត់ធ្ងន់ បើចង់ឡើងទៅវគ្គ ៨ ក្រុម ម្នាក់ៗគួរតែខំលេងឲ្យបានល្អដូចយុវជនខាងលើ។
Rangnick និយាយ៖ “គ្រប់ការប្រកួតដែលគេលេង Elanga បង្ហាញមកថាគេលេងពោរពេញដោយចំណង់និងភាពរីករាយ គេក៏តែងតែចង់បង្ហាញពីអាវុធដ៏សំខាន់របស់គេ ហើយនេះមិនមែនត្រឹមតែគ្រាប់បាល់គេរកបានទេ តែគេក៏បង្ហាញចង្វាក់រត់ដ៏ល្អ ៣ ទៅ ៤ សារហើយដែរ”។
លោកបន្ត៖ “យើងត្រូវតែបង្ហាញរបៀបនេះ នៅគ្រប់តំណែងឯទៀត ជាមួយកីឡាករ ១ ឬ ២ រូបផ្សេង ដោយគ្រប់តំណែងទាំងអស់ ដូច្នេះប្រសិនយើងចង់បន្តឡើងទៅវគ្គបន្ទាប់ យើងត្រូវតែខំលេងឲ្យបានដូចរបៀបហ្នឹង”៕
ប្រភព៖ BeSoccer