• Iniesta ​អាច​នឹង​ទៅ​លេង​នៅ​ជប៉ុន​វិញ ​ក្រោយ​ក្លឹប​ចិន​មាន​បញ្ហា​រឿង​កុងត្រា

    ខ្សែ​បម្រើ Andres Iniesta ​បាន​ប្រកាស​ថា​ខ្លួន​ចាកចេញ​ពី FC Barcelona ​ទៅ​លេង​នៅ​ក្លឹប Chongqing Lifan ​នៅ​រដូវ​កាល​ក្រោយ​នេះ។

    យ៉ាងណាមិញ ​ការ​ប្រកាស​ដូច្នេះ​ហាក់​ដូចជា​មិន​ទាន់​ជា​ផ្លូវ​ការ​នៅ​ឡើយ​ទេ។ ដោយសារ​តែ​ខាង Chongqing Lifan ​មាន​បញ្ហា​ទៅ​លើ​ការ​ចុះ​កុងត្រា ​ព្រោះ​តម្លៃ​ប្រាក់​ឈ្នួល​របស់​កីឡាករ​អេស្ប៉ាញ​ខាង​លើ​នេះ ​ច្រើន​ខ្លាំង ​ហើយ​វា​មិន​ទាន់​ត្រូវ​នឹង​ទីផ្សារ​ផង។ លោក Jiang Lizhang ​ប្រធាន​ក្លឹប​នៅ​ចិន​នេះ ​បាន​និយាយ​ថា​ពួកគេ​មិន​ទាន់​សម្រេច​១០០​%​ថា​នឹង​យក Iniesta ​ឡើយ ប៉ុន្តែ​ក៏​មិន​បដិសេធ​ថា​មិន​យក​ដែរ។ ក្លឹប​នឹង​ធ្វើ​ការ​ឱ្យ​បាន​ច្រើន​បន្ថែម​ទៀត ​ដើម្បី​សិក្សា​ចំពោះ​ការ​យក​ខ្សែ​បម្រើ​ឆ្នើម​កម្រិត​ពិភព​លោក​មក។

    ក្រោយ​ពី​មាន​ដំណឹង​នេះ​ភ្លាម ​ក្លឹប ​Wissel Kob ​របស់​ជប៉ុន  បាន​ដាក់​សំណើ​ទិញ​កីឡាករ Barcelona ​ដែរ ​ដោយ​មាន​កុងត្រា​រយៈពេល​៣​ឆ្នាំ ​ជាមួយ​តម្លៃ​ឈ្នួល​២២​លាន​ផោន​ក្នុង​១​ឆ្នាំ។ ប្រភព​នៅ​អេស្ប៉ាញ​បាន​បញ្ជាក់​ថា ​ប្រសិន​បើ​ក្លឹប​នៅ​ចិន ​មិន​ធ្វើ​ការ​សម្រេច​ចិត្ត​ភ្លាម​ៗ​ទេ ​នោះ Iniesta ​អាច​នឹង​ទៅ​លេង​នៅ​ជប៉ុន​វិញ​ហើយ ​ជាមួយ​កីឡាករ Lukasz Podolski ​ដែល​កំពុង​ប្រកប​អាជីព​ជាមួយ​ក្លឹប​នៅ​ជប៉ុន​នោះ​ស្រាប់៕

     

     

    ភ្ជាប់ទំនាក់ទំនងជាមួយ CTS SPORT