យុវជនក្រោមអាយុ២៣ឆ្នាំរបស់វៀតណាម ៤នាក់ក្នុងចំណោម៦នាក់ដែលត្រូវមកកម្ពុជា ចូលរួមប្រកួតពានរង្វាន់ AFF U23 នោះ បានធ្វើដំណើរមកដល់កម្ពុជាហើយ ដោយឡានក្រុងពីទីក្រុង Ho Chi Minh មក។
ក្រុម U23 វៀតណាម នឹងត្រូវប្រកួតបិទពូល C របស់ខ្លួនទល់ក្រុមថៃ នៅម៉ោង៧យប់នេះ។ តែមុនការប្រកួតចាប់ផ្ដើម វៀតណាម មានកីឡាករឆ្លងកូវីដ១៩ រហូតដល់១២នាក់ទៅហើយ បច្ចុប្បន្នសល់១៣នាក់ប៉ុណ្ណោះ។ ដោយសារតែដូច្នេះ វៀតណាម ត្រូវ AFF អនុញ្ញាតិឱ្យបន្ថែមសមាជិក៦នាក់មកទៀតដើម្បីជួយក្រុម។
ដោយ៦នាក់នោះ មាន៤នាក់ត្រូវបានគេដឹងថាមកដល់កម្ពុជានៅថ្ងៃនេះហើយ ដើម្បីត្រៀមលេងទល់ក្រុមថៃ ក៏ដូចជាប្រញាប់មកចុះឈ្មោះឱ្យទាន់។ ស្របពេលកីឡាករ២នាក់ទៀត នឹងធ្វើដំណើរមករសៀលឯណោះ តាមយន្ដហោះ។ ដូច្នេះអាចនិយាយបានថាទល់ក្រុមថៃល្ងាចនេះ វៀតណាម មានកីឡាករពេញហើយ មិនធ្វើឱ្យការប្រកួតត្រូវរំសាយឬបោះបង់ចោលនោះទេ៕ ប្រភព៖ Zingnews