ប៉ូលិសនៅក្រុង Las Vegas បានបើកសំណុំរឿងរបស់ Cristiano Ronaldo ឡើងវិញ ដើម្បីបញ្ជាក់ថាពិតជាមានករណីរំលោភនារីអាមេរិកនៅសណ្ឋាគារមួយកន្លែងមែន កាលពីឆ្នាំ២០០៩។
តាមរបាយការណ៍របស់ប៉ូលិស Kathryn Mayorga ដែលបច្ចុប្បន្នជាគ្រូបង្រៀន ត្រូវបានបុរសម្នាក់ឈ្មោះថា Ronaldo រំលោភក្នុងសណ្ឋាគារមួយកន្លែងនៅទីក្រុង Las Vegas។ ដោយគ្រានោះ នាងគឺជាតារាម៉ូដែលម្នាក់ និងបានទៅជប់លៀងជាមួយ Ronaldo រហូតស្រវឹង។ ក្នុងក្រដាសបានបញ្ជាក់ទៀតថា នាងត្រូវ
Ronaldo រំលោភក្នុងបន្ទប់ទឹក ក្នុងសណ្ឋាគារ Palms Hotel នៅថ្ងៃទី១៣ ខែឧសភាឆ្នាំ២០០៩។ ក្នុងនោះ បញ្ជាក់បន្ថែមទៀតថា ករណីចោទថារំលោភនេះ ព្រោះនាងមិនព្រមជាមួយ ហើយក៏បានស្រែកបញ្ជាក់ថា មិនព្រម មិនព្រម ថែមទៀតផង។
យ៉ាងណាមិញ ករណីនេះត្រូវបានបិទទៅវិញ ក្រោយពីអ្នកទាំងពីរខាងលើបានបញ្ចប់ក្រៅតុលាការទៅ។ ហើយការបើកសំណុំរឿងជាថ្មីនេះ គឺដើម្បីបញ្ជាក់ការពិត
ប៉ុណ្ណោះ ព្រោះថាសាមីខ្លួន Ronaldo គេនិយាយថាមិនមានរឿងខាងលើកើតឡើងទេ៕ប្រភពDailyMail