ពិតជារឿងគួរឱ្យភ្ញាក់ផ្អើលមែននៅពេលក្រុម Rangers អាចយកឈ្នះលើក្រុម Dortmund បានក្នុងលទ្ធផល ៤-២ នាជើងទី១ពានរង្វាន់ UEFA Europa League ។
ការប្រកួតនេះលេងនៅទឹកដី Dortmund ទេ ប៉ុន្តែក្រុម Rangers ពិតជាធ្វើបានល្អណាស់ ដោយបើកការនាំមុខមុនដល់ទៅ៣គ្រាប់ឯណោះ មុនពេលក្រុម Dortmund តាមពីក្រោយ២គ្រាប់វិញ។ ខណៈដែលលទ្ធផលចប់ការប្រកួតទៅ ក្រុម Rangers បានយកឈ្នះលើក្រុមខ្លាំងរបស់អាល្លឺម៉ង់បានក្នុងលទ្ធផល ៤-២ គួរឱ្យភ្ញាក់ផ្អើលសម្រាប់ជើងទី១នេះ។
ត្បិតតែយ៉ាងនេះក្ដី គ្រូបង្វឹករបស់ក្រុម Rangers បានអះអាងថានេះគ្រាន់តែជាការប្រកួតជើងទី១ប៉ុណ្ណោះ នៅសល់ជើងទី២ចំនួន៩០នាទីទៀត។ ដោយជើងទី២នោះអ្វីៗក៏អាចកើតមានឡើងបានដែរ មិនអាចមើលស្រាល ឬសប្បាយចិត្តជាមួយលទ្ធផលនៅជើងទី១នេះពេកនោះទេ៕ប្រភព៖ DailyMail
