Alexis Sanchez ត្រូវបានគេដឹងថាកំពុងមានបញ្ហាជាមួយអ្នកចាត់ការ Jose Mourinho ដូចទៅនឹងករណីរបស់លោក Pual pogba ដែរ។
Sanchez ជាខ្សែប្រយុទ្ធមានតម្លៃថ្លៃមួយរូបរបស់ក្រុមបិសាចក្រហម ប៉ុន្តែរូបគេមិនបានបង្ហាញសមត្ថភាពអ្វីគួរឱ្យកត់សម្គាល់ឡើយ។ ផ្ទុយទៅវិញ មិនត្រឹមតែលេងមិនល្អទេ រូបគេត្រូវបានគេដឹងមានរឿងជាមួយអ្នកចាត់ការដែរ ទើបមិនសូវបានចូលលេង ហើយលេងមិនល្អដូច្នេះ។
កីឡាករឈីលីរូបនេះ មិនខុសពីករណីរបស់ Pogba ឡើយ ពោលគឺចាប់ផ្ដើមចង់ចាកចេញពី Old Trafford ទៅរកក្លឹបថ្មីហើយ ប្រសិនណាបើលោក Jose នៅតែបន្ដដឹកនាំទៀត។
កាលលេងជាមួយ West Ham ប្រកួតនេះទេ គេសង្កេតឃើញខ្សែប្រយុទ្ធវ័យ២៩ឆ្នាំបាននិយាយគ្នាយ៉ាងយូរជាមួយកីឡាករ Lucas Perez ដែលជាអតីតមិត្តរួមក្រុមនៅក្លឹប Arsenal ។ គេសង្ស័យថា Sanchez កំពុងតែរកកន្លែងថ្មីហើយ ក្រោយពីលេងមិនកើតនៅ Man Utd នេះ៕ប្រភព៖ Mirror