លោក Antonio Conte អ្នកចាត់ការក្រុម Spurs បានអះអាងថាការដោះដូរកីឡាករកាលពីខែមករាដើមឆ្នាំ២០២២កន្លងទៅ មិនបានជួយអ្វីឱ្យប្រសើរទេ មានតែធ្វើឱ្យក្រុមដុនដាបថែមទៀត។
ក្រុម Spurs បាននាំចូលកីឡាករ២នាក់ដែរកាលពីខែមករាកន្លងទៅគឺ Dejan Kulusevski និង Rodrigo Bentancur ពីក្រុម Juventus ។ ទន្ទឹមនឹងនោះដែរ ក្លឹបក៏បានបញ្ចេញកីឡាករច្រើននាក់វិញដើម្បីឱ្យគេខ្ចីជើងដែរមានដូចជា Dele Alli , Tanguy Ndombele និង Giovani Lo Celso ជាដើម។ ខណៈដែលការដោះដូរនេះ ត្រូវបានលោក Conte ថាមិនបានជួយអ្វីដល់ក្លឹបឡើយ។
អ្នកចាត់ការសញ្ជាតិអ៊ីតាលីបាននិយាយថា៖ “អ្វីដែលបានកើតឡើងនៅខែមករា មិនមែនជារឿងងាយស្រួលទេ។ យើងបានបាត់កីឡាករ៤នាក់ កីឡាករសំខាន់៤នាក់របស់ក្រុមត្រូវចាកចេញ ហើយយើងនាំចូលមកវិញ២នាក់។ ដូច្នេះគ្រាន់តែមើលតួរលេខក៏ដឹងហើយថាយើងមិនបានធ្វើការដោះដូរកីឡាករជោគជ័យទេ”៕ប្រភព៖ BBC
