Diego Maradona បានផ្ដល់ដំបូន្មានដល់ Lionel Messi ថា កុំចូលលេងឱ្យក្រុមជម្រើសជាតិអាហ្សង់ទីនទៀតអី គួរតែចូលនិវត្តន៍ពីក្រុមជម្រើសជាតិទៅ។
Messi និងក្រុមជម្រើសជាតិអាហ្សង់ទីន បានបរាជ័យយ៉ាងខ្លាំងក្នុងពានរង្វាន់នានា មួយរយៈចុងក្រោយនេះ។ តួយ៉ាងដូចជា World Cup 2018 ថ្មីៗនេះ ពួកគេលេងទាំងលំបាកទម្រាំឆ្លងផុតពូល ដោយឈ្លោះ ជាមួយគ្រូបង្វឹកផង អីផង។ រហូតដល់ចប់ពីព្រឹត្តិការណ៍នេះភ្លាម Messi បានប្រកាសសុំពេលសម្រាករហូតដល់ដាច់ឆ្នាំ២០១៨ ទើបសម្រេចថាបន្ដជាមួយជម្រើសជាតិឬយ៉ាងណា។
ក្នុងនោះដែរ វីរបុរសអាហ្សង់ទីន Maradona បានផ្ដល់ជាយោបល់ដល់កំពូលកីឡាករលើលោកខាងលើថាគួរតែឈប់ពីជម្រើសជាតិតែម្ដងទៅ មិនអាចចូលលេងវិញឡើយ។ ការលើកឡើងបែបនេះ គឺលោកមើលឃើញថាអ្នកគាំទ្រតែងតែបន្ទោសទៅលើ Messi ជានិច្ច ឱ្យតែក្រុមបរាជ័យម្ដងៗ។ ខណៈដែលពួកគេមិនបានមើលទៅលើក្រុមទាំងមូលឡើយ។
ដូច្នេះហើយ មានតែការដើរចេញមួយប៉ុណ្ណោះ ទើបជាដំណោះស្រាយ ហើយចាំមើលថា ក្រុមអាហ្សង់ទីន ពេលអត់ពី Messi ទៅលេងល្អបានប៉ុណ្ណា៕ប្រភពGoal