ខ្សែប្រយុទ្ធ Gareth Bale មិនអាចលេងឱ្យ Real Madrid បានឡើយ ពេលប៉ះ CSKA Moscow ក្នុងពានរង្វាន់ UEFA Champions League នៅយប់ស្អែក ក្រោយរងរបួសសាច់ដុំភ្លៅ។
Bale កីឡាកររកបាន៤គ្រាប់នារដូវកាលនេះ ត្រូវបានប្ដូរចេញ ក្នុងការប្រកួតទល់ក្រុម Atletico Madrid កាលពីថ្ងៃសៅរ៍កន្លងទៅនេះ។ ក្រោយពីប្ដូរចេញទៅ ក្រុមគ្រូពេទ្យរបស់ Real Madrid បានពិនិត្យឃើញថា ខ្សែប្រយុទ្ធរបស់ខ្លួនរងរបួសសាច់ដុំភ្លៅ និងត្រូវការពេលសម្រាកសិន។ ដូច្នេះហើយ ការប្រកួតជាមួយក្រុម CSKA Moscow នៅ Champions League នឹងមិនអាចចូលលេងបានឡើយ។
មិនត្រឹមតែអវត្តមានកីឡាករសំខាន់ម្នាក់នេះទេ ក្រុម Real Madrid នឹងត្រូវអវត្តមានកីឡាករ៣នាក់ផ្សេងទៀតដែលសុទ្ធតែជា Key Player គឺប្រធានក្រុម Sergio Ramos , Marcelo និងខ្សែបម្រើ Isco ៕
https://www.bbc.com/sport/football/45645737?ns_source=facebook&ns_mchannel=social&ns_linkname=sport&ns_campaign=bbc_sport