ក្លឹប Man Utd អាចនឹងបាត់បង់ឱកាសគ្រោងតំណែង Top 4 នៅ Premier League ដែលមានន័យថា ការលេង UCL រដូវកាលក្រោយ អាចនឹងខកខាន។ ដោយមើលឃើញស្ថានភាពពិបាកនឹងស្រោចស្រង់ ទៅមើលកីឡាករជាច្រើននៅក្លឹប ក៏កំពុងរំអុកឲ្យថ្នាក់លើ ប្រញាប់លៃលកនាំយកអ្នកចាត់ការថ្មី ដោយសម្លឹងឃើញគ្រូនៅក្លឹប PSG គឺលោក Mauricio Pochettino។
បើតាមសារព័ត៌មាន ESPN ចុះផ្សាយថា កីឡាករឈុតធំជាច្រើន បាននឹងកំពុងចាប់អារម្មណ៍ចង់បានលោក Pochettino ឲ្យមកកាន់តំណែងជាគ្រូពេញសិទ្ធ បន្តពីលោក Ole Gunnar Solskjaer ពោលក្រោយពេលដែល Ralf Rangnick ត្រូវផុតកុងត្រាក្នុងនាមគ្រូបណ្តោះអាសន្ន នៅបញ្ចប់រដូវកាលខាងមុខ។
ប្រភពបានឲ្យដឹងថា បុរសសញ្ជាតិអាហ្សង់ទីន គឺជាជម្រើសដ៏សក្តិសមបំផុត បើទោះបី មានចចាមអារ៉ាមផ្សារភ្ជាប់ទៅនឹងគ្រូមួយចំនួនផ្សេងទៀត ដូចជា Erik ten Hag នៃក្លឹប Ajax និង Brendan Rodgers នៃក្លឹប Leicester City ជាដើមក្តី។ ចំពោះសុពលភាពកុងត្រារបស់ Pochettino នៅ PSG នឹងត្រូវផុតនៅចុងខែមិថុនា ឆ្នាំ ២០២៣ តែយ៉ាងណាអនាគតអាចនឹងសម្រេចត្រឹមពេលដ៏ខ្លីខាងមុខ ស៊ីសងលើលទ្ធផលប្រកួតនៅ UEFA Champions League។ បញ្ជាក់ថា បច្ចុប្បន្នក្លឹបបិសាចក្រហម Man Utd ឈរនៅចំណាត់ថ្នាក់ទី ៥ ក្នុងតារាង PL ដោយមាន ៣៩ ពិន្ទុ គិតត្រឹមជុំទី ២៣៕
ប្រភព៖ ESPN