Donny van de Beek បានព្រមព្រៀងការផ្ទេរនៅលក្ខខណ្ឌខ្ចីជើងកន្លះរដូវកាល ទៅកាន់ក្លឹបរួមលីគ Everton ពោលគេនឹងឈរជើងនៅទីនោះ ដល់បញ្ចប់រដូវកាល។ តែយ៉ាងណាតាមការយល់ឃើញរបស់អតីតជើងចាស់ លោក Paul Parker បានបង្ហើបថា វាជាការសម្រេចចិត្តខុសទាំងស្រុង។
Parker និយាយប្រាប់បែបនេះ៖ “Donny van de Beek គេត្រូវតែចាកចេញ ដើម្បីទទួលបានឱកាសបង្ហាញពីគុណភាពរបស់គេ តែយ៉ាងណាខ្ញុំគិតថា Everton មិនមែនជាក្លឹបដ៏សក្តិសមសម្រាប់គេទេ ព្រោះអីយើងមើលចុះ ដូរគ្រូ ២ ហើយ គឺនៅតែមិនទាន់ឃើញល្អប្រសើរទាល់តែសោះ”។
លោកបន្ត៖ “ហើយឥឡូវពួកគេបែរជាយកគ្រូដែលមិនសូវមានបទពិសោធន៍ មកចង់កែបែបនេះ កែបែបនោះ អ៊ីចឹងខ្ញុំមើលឃើញថា Van de Beek នឹងពិបាកជោគជ័យជាមួយ Everton”។ រំឭកថា ជាមួយក្លឹបអាណាព្យាបាល Man Utd សម្រាប់កីឡាករហូឡង់ នៅរដូវកាល ២០២១/២២ ទទួលបានពេលវេលាឈរជើងលើទីលាន តែ ៣៨០ នាទីប៉ុណ្ណោះ ហើយរកបាន ១ គ្រាប់៕
ប្រភព៖ AF