ព្រឹត្តិការណ៍បាល់ទាត់ពិភពលោក FIFA World Cup 2022 នឹងធ្វើឡើងចាប់ពីថ្ងៃទី ២១ វិច្ឆិកា ដល់ ១៨ ធ្នូ ខណៈដែលបច្ចុប្បន្នកំពុងរង់ចាំអុតមើលក្រុមទាំង ៣២ ដែលត្រូវមកបំពេញកៅអី នៅវគ្គចែកពូលផ្លូវការ។
នៅចំណោមកៅអីទាំង ៣២ គឺមានការបែងចែកក្រុម ចេញពីសហព័ន្ធចំនួន ៦ ផ្សេងពីគ្នា។ ក្នុងនោះមានដូចជា៖
សហព័ន្ធបាល់ទាត់ប្រចាំទ្វីបអាហ្វ្រិក CAF ទទួលបាន ៥ កៅអី
សហព័ន្ធបាល់ទាត់ប្រចាំទ្វីបអាស៊ី AFC ទទួលបាន ៤,៥ កៅអី
សមាគមបាល់ទាត់ប្រចាំទ្វីបអឺរ៉ុប UEFA ទទួលបាន ១៣ កៅអី
សហព័ន្ធបាល់ទាត់ប្រចាំទ្វីបអាមេរិកខាងជើង កណ្ដាល និងការីប៊ៀន ទទួលបាន ៣,៥ កៅអី
សហព័ន្ធបាល់ទាត់ប្រចាំទ្វីបអូសេអានី ទទួលបាន ០,៥ កៅអី
សហព័ន្ធបាល់ទាត់ប្រចាំទ្វីបអាមេរិកខាងត្បូង ទទួលបាន ៤,៥ កៅអី
យ៉ាងណាគិតមកទល់ ដើមខែកុម្ភៈ គឺយើងរកបានក្រុមចំនួន ១៥ រួចជាស្រេចហើយ បើរាប់បញ្ចូលទាំងម្ចាស់ផ្ទះកាតារ ដែលទទួលបានកៅអីផ្លូវការ នៅព្រឹត្តិការណ៍ World Cup។ ទំព័រ CTS Sports បង្ហាញត្រួសៗពីឈ្មោះ និងសមិទ្ធផលដែលក្រុមទាំងអស់ធ្លាប់សម្រេចបានដូចខាងក្រោម៖
១) កាតារ សារនេះជាការបង្ហាញខ្លួនលើកដំបូងនៅ World Cup
២) អាល្លឺម៉ង់ ជាក្រុមឈ្នះប្រចាំពូល J នាវគ្គជម្រុះបឋម តំបន់អឺរ៉ុប ធ្លាប់ឈ្នះជើងឯក ៣ សម័យកាល
៣) ដាណឺម៉ាក ជាក្រុមឈ្នះប្រចាំពូល F នាវគ្គជម្រុះបឋម តំបន់អឺរ៉ុប ធ្លាប់ឡើងខ្ពស់បង្អស់ វគ្គ ៨ ក្រុមចុងក្រោយ
៤) ប្រេស៊ីល ជាក្រុមមួយក្នុងចំណោមក្រុម Top 2 នាវគ្គជម្រុះបឋម តំបន់អាមេរិកខាងត្បូង ធ្លាប់ឈ្នះជើងឯក ៥ សម័យកាល
៥) បារាំង ជាក្រុមឈ្នះប្រចាំពូល D នាវគ្គជម្រុះបឋម តំបន់អឺរ៉ុប ធ្លាប់ឈ្នះជើងឯក ២ សម័យកាល
៦) បែលហ្សិក ជាក្រុមឈ្នះប្រចាំពូល E នាវគ្គជម្រុះបឋម តំបន់អឺរ៉ុប ធ្លាប់ឈរលេខ ៣
៧) ក្រូអាត ជាក្រុមឈ្នះប្រចាំពូល H នាវគ្គជម្រុះបឋម តំបន់អឺរ៉ុប ធ្លាប់ឈ្នះជើងឯករង
៨) អេស្ប៉ាញ ជាក្រុមឈ្នះប្រចាំពូល B នាវគ្គជម្រុះបឋម តំបន់អឺរ៉ុប ធ្លាប់ឈ្នះជើងឯក ១ សម័យកាល
៩) ស៊ែប៊ី ជាក្រុមឈ្នះប្រចាំពូល A នាវគ្គជម្រុះបឋម តំបន់អឺរ៉ុប ធ្លាប់ឈរលេខ ៤ ពីរសម័យកាល
១០) អង់គ្លេស ជាក្រុមឈ្នះប្រចាំពូល I នាវគ្គជម្រុះបឋម តំបន់អឺរ៉ុប ធ្លាប់ឈ្នះជើងឯក ១ សម័យកាល
១១) ស្វីស ជាក្រុមឈ្នះប្រចាំពូល C នាវគ្គជម្រុះបឋម តំបន់អឺរ៉ុប ធ្លាប់ឡើងដល់វគ្គ ៨ ក្រុមចុងក្រោយ ៤ សម័យកាល
១២) ហូឡង់ ជាក្រុមឈ្នះប្រចាំពូល G នាវគ្គជម្រុះបឋម តំបន់អឺរ៉ុប ធ្លាប់ឈ្នះជើងឯករង ៣ សម័យកាល
១៣) អាហ្សង់ទីន ជាក្រុមមួយក្នុងចំណោម Top 2 នាវគ្គជម្រុះបឋម តំបន់អាមេរិកខាងត្បូង ធ្លាប់ឈ្នះជើងឯក ២ សម័យកាល
១៤) អ៊ីរ៉ង់ ជាក្រុមមួយក្នុងចំណោម Top 2 នាវគ្គជម្រុះបឋមជុំទី ៣ ពូល A តំបន់អាស៊ី ធ្លាប់ឡើងមកវគ្គចែកពូល ៥ សម័យកាល
១៥) កូរ៉េខាងត្បូង ជាក្រុមមួយក្នុងចំណោម Top 2 នាវគ្គជម្រុះបឋមជុំទី ៣ ពូល A តំបន់អាស៊ី ធ្លាប់ឈរលេខ ៤ នៅឆ្នាំ ២០០២
បញ្ជាក់ថា នៅចំណោមកៅអីសេសសល់ទាំង ១៧ ផ្សេងទៀត គ្រប់គ្នា ក៏កំពុងរង់ចាំអ៊ុតមើលយ៉ាងតក់ក្រហល់ ថាតើនៅឱកាសចុងក្រោយ វគ្គ Play-off រវាងក្រុមព័រទុយហ្គាល់-ទួរគី និងអ៊ីតាលី-ម៉ាសេដូនី តើក្រុមណាមួយ ដែលនឹងអាចឆ្លងផុត? លើកចុងក្រោយ ព័រទុយហ្គាល់ខកខានទទួលបានកៅអីនៅ World Cup គឺឆ្នាំ ១៩៩៨ រីឯអ៊ីតាលី កាលពីឆ្នាំ ២០១៨៕
ប្រភព៖ បរទេស