ខ្សែប្រយុទ្ធ Robert Lewandowski ដែលជាម្ចាស់ពាន Men’s Player of the Year សម្រាប់ឆ្នាំ ២០២១ បាននិយាយថា Lionel Messi នឹងមិនអាចរកបានគ្រាប់បាល់ ដល់កម្រិត Cristiano Ronaldo នោះទេ បើឈានចូលអាយុល្បាក់ ៣៦ ឆ្នាំ។
រដូវកាលនេះ Messi ដែលមានអាយុ ៣៤ ឆ្នាំ អាចរកបាន ៦ គ្រាប់និង Assist ៦ លើក នៅការបង្ហាញខ្លួនសរុប ១៨ ប្រកួត។ ស្របពេលដែល Ronaldo អាយុ ៣៦ ឆ្នាំ រកបាន ១៤ គ្រាប់និង Assist ៣ លើកនៅការបង្ហាញខ្លួន ២៤ ប្រកួត។
កីឡាករប៉ូឡូញលើកឡើងថា៖ “Cristiano មានវ័យចំណាស់ជាង ៣ ឆ្នាំកន្លះ ធៀបនឹងខ្ញុំ តែនៅតែអាចរកបានគ្រាប់បាល់ច្រើន តែក្រោយគាត់ប្តូរក្លឹប គឺគាត់ត្រូវប្តូរតាក់តិចលេង ហើយក្រុមរបស់គាត់ ក៏មិនចេះតែជោគជ័យរហូតដែរ តែប្រសិនណាក្រុមគាត់ត្រលប់មកមានតុល្យភាពវិញ នោះគាត់ក៏នឹងបន្តអាចរកបានគ្រាប់បាល់ច្រើនដដែល”។
លោកសង្កត់ធ្ងន់៖ “Ronaldo គាត់ធ្លាប់ធ្វើបានច្រើនគ្រាប់ តែពេលនេះក៏នៅតែល្អ គ្រាន់ថា មិនអាចទៅរកបាន ៦០ គ្រាប់ក្នុងមួយឆ្នាំដូចមុនទេ ធៀបនឹង Messi គឺខុសគ្នា Messi ជាប្រភេទកីឡាករផ្សេងទៀត ដូច្នេះមកដល់វ័យដូច Ronaldo គឺពិតជាពិបាកនឹងឲ្យគាត់អាចរក្សាការរកគ្រាប់បាល់នៅកម្រិតខ្ពស់”៕
ប្រភព៖ Sportskeeda