ក្រុមសេណេហ្គាល់ បានឡើងទៅវគ្គផ្ដាច់ព្រ័ត្រពានរង្វាន់ Africa Cup of Nations ហើយ ក្រោយពីយកឈ្នះលើក្រុម បូគីណាហ្វាកូ ក្នុងលទ្ធផល ៣-១។
សម្រាប់ការប្រកួតខាងលើនេះដែរ ក្រុមសេណេហ្គាល់បានបង្ហាញសាច់ដុំរបស់ខ្លួននៅតង់ទី២នៃការប្រកួត ដោយចាប់ពីនាទី៧០ទៅ ក្រុមទាំងពីរកើតមានគ្រាប់បាល់ដល់៤គ្រាប់ឯណោះ។ ដោយក្រុមសេណេហ្គាល់ រកបាន៣គ្រាប់នៅនាទី ៧០ ដោយ Diallo នាទី៧៦ ដោយ Gueye និងនាទី៨៧ ដោយ Mane ។ ស្របពេល១គ្រាប់របស់ក្រុមបូគីណហ្វាកូវិញ រកបាននៅនាទី៨២ ដោយ Toure ។
នេះជាលើកទី៣ហើយសម្រាប់ក្រុមសេណេហ្គាល់ដែលអាចឡើងដល់វគ្គផ្ដាច់ព្រ័ត្រពានរង្វាន់ Africa Cup of Nations ។ ដោយក្រុមដែលពួកគេនឹងប៉ះ អាចជាម្ចាស់ផ្ទះកាម៉េរូន ឬក្រុមអេហ្ស៊ីប៕ ប្រភព៖ BBC