ក្រុម PSG ដែលជាក្រុមការពារតំណែងជើងឯកនោះ បានធ្លាក់ចេញពីពានរង្វាន់ French Cup ទៅហើយ ក្រោយពីចាញ់ក្រុម Nice នៅវគ្គប៉េណាល់ទីកាត់សេចក្ដី ៦-៥។
ក្នុងការប្រកួតនេះដែរ ក្រុម PSG បានដាក់កីឡាករពេញជើងដែរ ព្រោះដឹងថាក្រុម Nice ជាក្រុមខ្លាំងមួយនៅបារាំង។ ជាលទ្ធផលឃើញថាពួកគេលេងពេញម៉ោងមិនមានគ្រាប់បាល់នោះទេ ស្មើគ្នា ០-០ ទើបតម្រូវឱ្យការប្រកួតនេះបញ្ចប់ដោយការទាត់ប៉េណាល់ទីកាត់សេចក្ដី។ នៅវគ្គនេះហើយ Nice ធ្វើបានល្អជាង PSG ដោយយកឈ្នះបានក្នុងលទ្ធផល ៦-៥។
ការធ្លាក់ត្រឹមវគ្គ១៦ក្រុមចុងក្រោយនេះដែរ បានធ្វើឱ្យលោក Pochettino កាន់តែក្ដៅកៅអីឡើងហើយ ព្រោះលោកមានកីឡាករល្បីៗច្រើនណាស់ក្នុងក្រុមដូចជា Lionel Messi ជាដើម ប៉ុន្តែចុងក្រោយនៅតែចាញ់ក្រោមថ្វីជើងក្រុម Nice បែបនេះទៀត៕ប្រភព៖ DailyMail
