ខ្សែប្រយុទ្ធ Cristiano Ronaldo បានឈ្នះពានរង្វាន់ Globe Soccer’s Top Scorer of All Time នៅឌូបៃ ក្រោយពីរូបគេរកគ្រាប់បាល់សរុបបានដល់៨០១គ្រាប់ទៅហើយ។
ក្នុងអាជីពបាល់ទាត់ដែលលេងឱ្យក្រុម Sportin Lisbon , Manchester United , Real Madrid , Juventus និងជម្រើសជាតិព័រទុយហ្គាល់នេះ ខ្សែប្រយុទ្ធ Ronaldo បានរកគ្រាប់បាល់សរុបដល់ទៅ៨០១គ្រាប់ហើយ។ ដោយចំនួននេះពិតជាច្រើនខ្លាំងមែនទែន បើធៀបជាមួយកីឡាករដទៃទៀត។ ដូច្នេះហើយទើបបាននៅទីក្រុង ឌូបៃ បានរៀបចំកម្មវិធីប្រគល់ពាន Globe Soccer’s Top Scorer of All Time ឱ្យទៅរូបគេមួយ។
ក្នុងឱកាសទទួលពានរង្វាន់នេះដែរ Ronaldo ក៏ត្រូវបានអ្នកគាំទ្ររាប់រយនាក់ទទួលស្វាគមន៍យ៉ាងកក់ក្ដៅផងដែរ។ នេះបានសបញ្ជាក់ឱ្យឃើថា វាមិនប្លែកទេនៅពេលសម្រាកលំហែកាយម្ដងៗ ដែល Ronaldo ចូលចិត្តទៅលេងនៅឌូបៃជាងគេនោះ៕ ប្រភព៖ DailyMail
