ខ្សែការពារ Douglas Luiz បានប្រកាសនៅលើបណ្ដាញសង្គមពីទំនាក់ទំនងរបស់គេជាមួយកីឡាការិនី Alisha Lehmann ហើយ ដោយពួកគេទាំងពីរនាក់នេះលេងនៅក្លឹប Aston Villa ដូចគ្នា។
ពួកគេទាំងពីរបានបង្ហាញពីទំនាក់ទំនងនៅពេលព្រមគ្នាតែម្ដងក្នុងបណ្ដាញសង្គម ដោយពួកគេបានសរសេរលើរូបថើបគ្នាបង្ហើថា “I Love U”។ កីឡាការិនី Lehmann វ័យ២៣ឆ្នាំនេះដែរ ក៏ទើបចូលរួមជាមួយក្រុមនារីរបស់ Aston Villa ដែរ កាលពីរដូវក្ដៅកន្លងទៅ ផ្ទេរមកពីក្រុម West Ham ។ កីឡាការិនីជម្រើសជាតិស្វីសនេះពីមុនមកក៏ធ្លាប់មានស្នេហាជាមួយនារីដូចគ្នាដែរ។
ដោយដៃគូគេពីមុននោះគឺកីឡាការិនី Ramona Bachmann ដែលលេងនៅក្រុមនារីរបស់ Chelsea ។ ពួកគេទាំងពីរនាក់លេងឱ្យជម្រើសជាតិស្វីសដូចគ្នា ហើយក៏ស្រលាញ់គ្នាទៅ។ តែក្រោយមកក៏បែកគ្នា និង Lehmann ក៏សម្រេចចិត្តមកទាក់ទងជាមួយកីឡាករ Douglas វិញ ហើយបើកចំហរទំនាក់ទំនងស្នេហារនៅពេលនេះ៕
