ខ្សែការពារ Eric Bailly ជាអ្នកប៉េណាល់ទីមិនចូល ធ្វើឱ្យក្រុមកូឌីវ័រ បរាជ័យក្រោមថ្វីជើងក្រុមអេហ្ស៊ីបនៅវគ្គកាត់សេចក្ដី១១ម៉ែត្រ ក្នុងលទ្ធផល ៥-៤ ពានរង្វាន់ Africa Cup of Nations ។
ក្រុមដែលមានរហស្សនាមថាដំរីខាងលើបានធ្លាក់ត្រឹមវគ្គ១៦ក្រុមចុងក្រោយ បន្ទាប់ពីពួកគេលេងស្មើក្រុមអេហ្ស៊ីប ០-០ នៅម៉ោងប្រកួត ហើយឈានដល់វគ្គប៉េណាល់ទីកាត់សេចក្ដីវិញ ក្រុមកូឌីវ័រ ធ្វើមិនសម្រេច១គ្រាប់។ ដោយគ្រាប់នោះ ជាការទាត់របស់ Eric Bailly ខណៈដែលខ្សែការពាររូបនេះទាត់ដោយបែរមុខចេញទៀតផង។
ការយកស្ដាយទាត់បែបនេះហើយ ទើបបានជាមានមតិរិះគន់ទៅលើរូបគេច្រើន ដែលចម្លងតាម Jorginho ផង តាម Firmino ផង។ ខណៈដែលលទ្ធផលចុងក្រោយ គឺបែរជាភ្លាត់ទាត់មិនចូលទៅវិញ ធ្វើឱ្យក្រុមខកខានឱកាសធំដើម្បីឡើងទៅវគ្គ៨ក្រុមចុងក្រោយពានរង្វាន់ Africa Cup of Nation ៕ ប្រភព៖ DailyMail
