ក្លឹប Barcelona បានមានគម្រោងចង់នាំយក Erling Haalandមកចូលរួមនៅរដូវក្តៅខាងមុខ ពោលមិនចង់ឲ្យរបូតឱកាសសារនេះទេ ព្រោះអីតម្លៃផ្ទេរផ្តាច់កុងត្រារបស់កីឡាករន័រវេស គឺនឹងមានតម្លៃក្រោម ១០០ លានផោន នៅខែកញ្ញា ឆ្នាំ ២០២២។
បើទោះបីក្លឹបកំពុងខ្វះខាតកញ្ចប់ចំណាយ តែយ៉ាងណាបើតាមសារព័ត៌មាន Goal បានចុះផ្សាយ ក្លឹបកំពុងគិតចង់លក់ចេញភាគហ៊ុនចំនួន ៤៩ ភាគរយ នៃក្រុមហ៊ុនប្រព័ន្ធផ្សព្វផ្សាយរបស់ខ្លួនគឺ Barca Studios ដើម្បីយកលុយនោះ ទៅចាត់ចែងយកយុវជនវ័យ ២១ ឆ្នាំមកកាន់ទឹកដី Camp Nou។
នេះវាក៏ផ្សារភ្ជាប់ទៅនឹងការត្រៀមវ៉ៃចេញ Ousmane Dembele ផងដែរ ព្រោះអីក្លឹបនឹងអាចសម្រាលបន្ទុកចំណាយលើថ្លៃពលកម្មមួយផ្នែកធំ ដើម្បីត្រៀមទុកចន្លោះទទួលយក Haaland មកចូលរួម។ គួររំឭកថា យុវជនរបស់ក្លឹប Dortmund បង្ហាញខ្លួនសរុប ៧៩ ប្រកួត រកបាន ៨០ គ្រាប់និង Assist ២១ លើក។ ក្រៅពីក្លឹប Barcelona ក៏នឹងមានក្លឹបជាច្រើនទៀត ដែលចាប់អារម្មណ៍មកលើកីឡាករវ័យក្មេងខាងលើ តួយ៉ាងគឺ Real Madrid, PSG, Man Utd, Chelsea និង Bayern Munich ជាដើម៕
ប្រភព៖ Goal