ក្រុម Liverpool បរាជ័យក្រោមថ្វីជើង Chelsea ១-០ ក្នុងការប្រកួតសំខាន់នាយប់មិញនេះ។ ក្នុងការប្រកួតនោះដែរ លោក Jurgen Klopp មើលឃើញកីឡាករ Salah ធ្វើពុតដួល ហើយលោកបានប្រាប់ទៅកីឡាករថាមិនចង់ឃើញអីចឹងទៀតនោះទេ។
“ខ្ញុំមិនចង់ឃើញកីឡាករធ្វើពុតដួលដើម្បីយកផលចំណេញនោះទេ។ ខ្ញុំមិនច្បាស់ថា Salah ធ្វើពុតដួលឬយ៉ាងមិចទេ ប៉ុន្តែខ្ញុំមិនចង់ឃើញឡើយ។ គាត់គួរតែបង្ហាញសមត្ថភាពល្អមកវិញ ជាជាងការធ្វើពុត។ ហើយច្បាស់ណាស់ថារូបគេនឹងធ្វើបាន យើងនៅមានប្រកួតសំខាន់ៗជាច្រើនទៀត”។ សម្ដីលោក Klopp ក្រោយការប្រកួត។
Salah អាក់ខានរកគ្រាប់បាល់៣ប្រកួតជាប់គ្នាហើយ ក្រោយពីរកបាន១១គ្រាប់ក្នុង៧ប្រកួតរួចមក។ កីឡាករអេហ្ស៊ីបរូបនេះ ប្រកួតយប់មិញ ទទួលបានកាតលឿងក្រោយពីធ្វើពុតជាដួល អំឡុងពេលរូបគេប្រជែងយកបាល់ជាមួយ Gary Cahill ។
ក្រោយពីចាញ់យប់មិញនេះ Liverpool នឹងអស់កៅអី Champions League ភ្លាមប្រើភ្លាត់ស្មើ ឬចាញ់ Brighton នៅប្រកួតចុងក្រោយ ហើយ Chelsea អាចឈ្នះ២ប្រកួតដែលនៅសល់៕
