ខ្សែបម្រើ Pual Pogba បានប្រកាសផ្ដល់រង្វាន់លើកទឹកចិត្ត ប្រសិនបើបុគ្គលិកណារកឃើញក្រវិលពេជ្ររបស់ខ្លួន ដែលបានធ្លាក់ជ្រុះបាត់នៅកន្លែងហ្វឹកហាត់របស់ក្រុម Manchester United ។
កីឡាករបារាំងខាងលើ បានជ្រុះបាត់ក្រវិលរបស់ខ្លួនប៉ុន្មានថ្ងៃមកហើយ នៅកន្លែងហ្វឹកហាត់Carrington របស់ក្រុមបិសាចក្រហម Manchester United ។ ក្រោយពីជ្រុះបាត់ទៅ Pogba បានប្រកាសឱ្យអ្នកស្វែងរក ដើររកក្រវិលមួយនេះ ហើយប្រសិនបើរកឃើញនោះ រូបគេនឹងផ្ដល់រង្វាន់ជាទីគាប់ចិត្ត។
នេះអាចនិយាយបានថា ជារឿងស៊យលើស៊យ ព្រោះថារូបគេទើបតែឈ្លោះគ្នាជាមួយលោក Jose Mourinho រួច ក៏បាត់ក្រវិលនោះតែម្ដង។
រឿងរ៉ាវឈ្លោះគ្នានៅបិសាចក្រហមរវាងលោក Jose និង Pogba កាន់តែធ្ងន់ឡើងពី១ថ្ងៃទៅ១ថ្ងៃ។ ខណៈដែលកីឡាករបានបញ្ជាក់ថារូបគេចង់ចាកចេញទៅលេងនៅក្លឹបថ្មី ប៉ុន្តែ Man Utd បានដាក់តម្លៃលក់ចេញនោះដល់ទៅ២០០លានផោនឯណោះ៕ប្រភព៖ DailyMail
