ក្រុមមេឃខៀវ Manchester City លេងបានត្រឹមស្មើជាមួយក្រុម Southampton ប៉ុណ្ណោះក្នុងលទ្ធផល ១-១ នាពានរង្វាន់ English Premier League នៅយប់មិញ។
ក្រុមរបស់លោក Pep កំពុងដាច់ពិន្ទុឆ្ងាយទៅហើយពីក្រុមលេខ២ ប៉ុន្តែវាក៏មិនទាន់មានន័យថាពួកគេនឹងឈ្នះពានរង្វាន់ដោយស្វ័យប្រវត្តិដែរ។ ដោយលទ្ធផលស្មើនៅយប់មិញ បានធ្វើឱ្យលោក Pep ចាត់ទុកថាគ្រប់យ៉ាងមិនទាន់ច្បាស់លាស់នៅឡើយទេ ការប្រកួតប្រជែងនៅមានបន្ដទៀត ខណៈដែលការប្រកួតក៏នៅមានច្រើនទៀតដែរ។
អ្នកចាត់ការអេស្ប៉ាញខាងលើបាននិយាយថា៖ “នេះជាហេតុផលដែលបង្ហាញថាពានរង្វាន់នេះមានតម្លៃកម្រិតណា វាមិនមែនជារឿងងាយទេដែលឈ្នះវាបាន។ គ្រប់ក្រុមនៅទីនេះសុទ្ធតែមានក្បូនលេងរៀងខ្លួន។ ខ្ញុំគិតថាប្រកួតនេះ ជាប្រកួតដែលក្រុមយើងធ្វើបានល្អបំផុតហើយ ប៉ុន្តែចុងក្រោយលទ្ធផលបានត្រឹមស្មើប៉ុណ្ណោះ”៕ ប្រភព៖ DAILYMAIL
