ខ្សែប្រយុទ្ធ Eden Hazard ជាអ្នកជួយក្រុម Real Madrid បានឱកាសឡើងទៅវគ្គពានរង្វាន់ Copa del Rey ដោយយកឈ្នះលើក្រុម Elche បានក្នុងលទ្ធផល ២-១។
សម្រាប់ការប្រកួតខាងលើនេះដែរ ក្រុម Real Madrid បានដាក់កីឡាករបម្រុងច្រើនឱ្យបានបង្ហាញសមត្ថភាព។ ស្របពេលលទ្ធផលវិញឃើញថាលេង៩០នាទីពេញ ក្រុមទាំងពីរបញ្ចប់ទៅក្នុងលទ្ធផលស្មើគ្នា ០-០ ប៉ុណ្ណោះ ដែលតម្រូវឱ្យពួកគេបន្ថែម១៥នាទី២ដង។ នៅវគ្គនេះដែរ Marcelo បានកាតក្រហមបណ្ដេញចេញនៅនាទី១០២ ហើយក្រុម Elche ក៏រកគ្រាប់បាល់បាននៅនាទី១០៣ផងដែរ។
ជាសំណាងល្អនៅនាទី១០៨ Isco រកគ្រាប់បាល់តាមស្មើវិញបាន មុនពេលខ្សែប្រយុទ្ធ Eden Hazard ធ្វើបាន១គ្រាប់ទៀតនៅនាទី១១៥។ ចប់ការប្រកួត Real Madrid ដែលសល់គ្នា១០នាក់ បានយកឈ្នះលើក្រុម Elche បានក្នុងលទ្ធផល ២-១ ឡើងទៅវគ្គបន្ដពានរង្វាន់ Copa del Rey ៕ ប្រភព៖ MARCA
