ក្រុម FC Barcelona បានធ្លាក់ចេញពីពានរង្វាន់ Copa del Rey ហើយ ក្រោយពីលេងចាញ់ក្រុម Athletic Bilbao ក្នុងលទ្ធផល ៣-២ នៅយប់មិញនេះ។
ក្នុងការប្រកួតនេះដែរ ក្រុមម្ចាស់ផ្ទះ Bilbao ធ្វើបានល្អ បើកការនាំមុខទៅលើក្រុម Barcelona មុនតាំងពីនាទី២ដើមតង់ទី១ម្ល៉េះដោយកីឡាករ Muniain។ តែឈានដល់នាទី២០ Ferran Torres ក៏អាចរកគ្រាប់បាល់តាមស្មើវិញបាន។ ឈានដល់នាទី៨៦ទៅហើយ Martinez ជួយក្រុមម្ចាស់ផ្ទះនាំមុខជាថ្មីទៀត ២-១ តែជិតនឹងចប់ការប្រកួតទៅហើយ Pedri រកគ្រាប់បាល់តាមស្មើវិញបានទៀត ដែលតម្រូវឱ្យការប្រកួតត្រូវលេងបន្ថែម១៥នាទី២ដងទៀត។
នៅម៉ោងបន្ថែមនេះហើយ ក្រុម Bilbao ក៏រកគ្រាប់បាល់បាន១គ្រាប់ទៀត ដោយកីឡាករ Muniain ដដែលនៅនាទី១០៥+១ ដោយបាល់ប៉េណាល់ទី ហើយវាក៏បានក្លាយជាគ្រាប់បាល់ជ័យជម្នះលើក្រុមអ្នកមានបុណ្យផងដែរ៕ ប្រភព៖ DAILYMAIL
