ក្លឹបតោខៀវ Chelsea ត្រូវបានគេរាយការណ៍ថា នឹងមិនព្រមយក Eden Hazard ត្រលប់មកវិញនោះទេ ប្រសិនណាភាគី ក្លឹបអាណាព្យាបាល Real Madrid មិនព្រមបញ្ចុះថ្លៃ ទៅតាមតម្លៃកំណត់ដែលខ្លួនចង់បាន។
តាមដឹងក្លឹបយក្សអេស្ប៉ាញ ប្រហែលចង់បានចូលល្បាក់ ៣០ លានផោន បើទោះបី Hazard រយៈពេលលេងមិនសូវបានល្អ ហើយវ័យក៏ហៀរចូល ៣១ ឆ្នាំ និងសេសសល់កុងត្រាតិចឆ្នាំក៏ដោយ។ បើតាមសារព័ត៌មាន El Nacional ចុះផ្សាយ ក្លឹប Chelsea នឹងមិនព្រមយកកីឡាករបែលហ្សិកត្រលប់មកទឹកដីអង់គ្លេសវិញនោះទេ ជារួមលុះត្រាតែ Real ព្រមចុះថ្លៃមកសល់ក្រោម ២១ លានផោនជាកំហិត។
យើងមិនច្បាស់ថា Real នឹងព្រមឬអត់ទេ តែបើតាមដឹង Hazard គេហាក់មិនរីករាយនឹងបន្តឈរជើងឲ្យក្លឹបបច្ចុប្បន្នឡើយ។ ទៅមើលការលេងរបស់គេ ក៏ធ្លាក់ចុះខ្លាំងក្រោយផ្ទេរចេញពីតោខៀវ ជាក់ស្តែងស្ថិតិជាមួយ Los Blancos បង្ហាញខ្លួន ៥៩ ប្រកួត រកបានតែ ៥ គ្រាប់និង Assist ១០ លើកគត់៕
ប្រភព៖ El Nacional