ខ្សែបម្រើ Paul Pogba បានប្រាប់ទៅមិត្តរួមក្រុមទាំងអស់នៅ Manchester United ថារូបគេនឹងមិនបន្ដកុងត្រាថ្មីបានទេ ហើយក្លឹបដែលចង់ទៅលេងបន្ដនោះគឺ Real Madrid របស់អេស្ប៉ាញ។
Pogba នឹងអស់កុងត្រាជាមួយក្រុមបិសាចក្រហមនៅត្រឹមរដូវកាលនេះហើយ ខណៈដែលរឿងកុងត្រាថ្មីនោះក៏មិនទាន់មានកើតឡើងដែរ។ ដូច្នេះមានន័យថានៅចប់រដូវកាលនេះ Pogba អាចដើរចេញបាន ហើយទៅលេងក្លឹបណាក៏បានឱ្យតែរូបគេនិងក្លឹបនោះចរចាត្រូវគ្នា។ បច្ចុប្បន្នមានក្លឹបច្រើនទាក់ទងទៅគេដែរ ហើយក្នុងចំណោមនោះក៏មានក្រុម Real Madrid មួយដែរ។
ប្រភព Daily Star បានបញ្ជាក់ថា Pogba កំណត់គោលដៅបន្ទាប់រួចទៅហើយ។ ក្លឹបថ្មីរបស់គេនោះគឺក្រុម Real Madrid របស់ប្រទេសអេស្ប៉ាញដែលធ្លាប់ទាក់ទងចង់បានគេតាំងពីរដូវកាលមុនមកម្ល៉េះ។ តែពេលនេះ Man Utd ដាក់តម្លៃខ្លួនខ្ពស់ពេក ទើបខាងក្រុមអធិរាជសមិនអាចទិញយកទៅបាន៕ ប្រភព៖ MARCA
