លោក Ralf Rangnick ថានឹងប្រើប្រាស់ខ្សែបម្រើ Paul Pogba ជាធម្មតា បើទោះជារូបគេមិនព្រមបន្ដកុងត្រាថ្មីនៅ Old Trafford ក៏ដោយ។
Pogba បានត្រលប់មកហ្វឹកហាត់វិញហើយកាលពីដើមសប្ដាហ៍នេះ ក្រោយពីខកខានតាំងពីខែវិច្ឆិកាឆ្នាំ២០២១មក ដោយសារបញ្ហារបួសសាច់ដុំភ្លៅ។ កីឡាករវ័យ២៨ឆ្នាំរូបនេះ នឹងអស់កុងត្រានៅត្រឹមរដូវកាលនេះហើយ ខណៈដែលកុងត្រាថ្មីក៏មិនមានកើតឡើងដែរ ពោលគឺ Pogba ចង់ចាកចេញដើម្បីស្វែងរកក្លឹបថ្មីលេងវិញ។
បើទោះជាបែបនេះក្ដី ក៏លោក Rangnick អ្នកចាត់ការក្រុម Man Utd ជឿជាក់កីឡាករបារាំងខាងលើក៏នឹងប្រឹងប្រែង១០០%ដើម្បីជួយក្រុមដែរនៅប្រកួតដែលនៅសល់ទាំងអស់។ លោក នឹងប្រើប្រាស់រូបគេជាធម្មតា ដោយមិនមានការសង្ស័យអ្វីឡើយ។ Pogba ចង់លេងដើម្បីជួយក្រុម ហើយរូបគេធ្វើបានល្អនៅពេលហ្វឹកហាត់ ដូច្នេះច្បាស់ណាស់ប្រកួតខាងមុខ គេនឹងបានលេងមិនខាន៕ ប្រភព៖ BBC
