ក្រុមតោខៀវ Chelsea ស្ទើរតែអស់ឱកាសដើម្បីប្រជែងពានរង្វាន់ English Premier League ទៀតហើយ ក្រោយពីពួកគេលេងបានត្រឹមស្មើក្រុម Brighton ក្នុងលទ្ធផល ១-១ ប៉ុណ្ណោះ។
នាការប្រកួតនេះដែរ ក្រុមរបស់លោក Thomas Tuchel ធ្វើបានល្អដោយរកគ្រាប់បាល់បានមុនដោយកីឡាករ Ziyech នៅនាទី២៨។ តែយ៉ាងណាឈានដល់នាទី៦០ ខាងក្រុម Brighton ក៏រកគ្រាប់បាល់តាមស្មើវិញបាន ហើយវាក៏រក្សារហូតដល់ចប់ការប្រកួតផងដែរក្នុងលទ្ធផលស្មើគ្នា ១-១។ ដោយស្មើគ្នានេះដែរ បានធ្វើឱ្យក្រុម Chelsea ៤ប្រកួតចុងក្រោយនៅ Premier League លេងមិនទាន់ស្គាល់ពាក្យថាឈ្នះនៅឡើយទេ។
ដោយឡែកចំណាត់ថ្នាក់ក្នុងតារាងវិញ ក្រុមតោខៀវនៅលេខ៣ មាន៤៤ពិន្ទុ ឆ្លងកាត់២៣ប្រកួត។ ស្របពេលក្រុមលេខ១ Man City ឯណោះវិញមានដល់៥៦ពិន្ទុ ឆ្លងកាត់២២ប្រកួតប៉ុណ្ណោះ។ នេះជាគម្លាតយ៉ាងខ្លាំងមែនទែនទៅហើយ៕ ប្រភព៖ DAILYMAIL
