Eden Hazard បានប្រាប់ទៅអ្នកកាសែតថាឈប់យករូបគេទៅប្រៀបជាមួយ Lionel Messi ឬ Cristiano Ronaldo ទៀតទៅ ព្រោះខ្លួនគ្រាន់តែប្រឹងលេងឱ្យល្អ និងឈ្នះពានរង្វាន់ប៉ុណ្ណោះ។
ខ្សែបម្រើខាងលើ កំពុងបង្ហាញសមត្ថភាពល្អខ្លាំងមែនទែន ឱ្យក្រុម Chelsea នារដូវកាលនេះ។ អ្វីដែលកាន់តែពិសេសទៀតនោះ រូបគេនេះហើយ ដែលជាអ្នកបញ្ចប់កំណត់ត្រាមិនដែលចាញ់របស់ Liverpool បានកាលលេងនៅ league Cup ដោយរកបាន១គ្រាប់ ឈ្នះក្នុងលទ្ធផល ២-១។ ការធ្វើបានល្អនេះ បានធ្វើឱ្យមតិជាច្រើនចាប់ផ្ដើមប្រៀបធៀបរូបគេជាមួយកីឡាករ២នាក់ទៀត គឺ Messi និង Ronaldo ។
ចំពោះរឿងនេះ កីឡាករឆ្នើមរូបនេះ បាននិយាយដែរថា៖ “ដោយសារខ្ញុំ តែងរកគ្រាប់បាល់បានទើប ពួកគេតែងនិយាយពីខ្ញុំ។ ខ្ញុំគ្រាន់តែចង់ឈ្នះពានរង្វាន់ជាមួយក្រុម ជួយក្រុមឱ្យអស់ពីលទ្ធផល។ ចំពោះការប្រជែង ឬប្រៀបធៀបជាមួយអ្នកផ្សេងនោះ សូមកុំធ្វើវាអី។ គោលបំណងរបស់ខ្ញុំ គឺឈ្នះពានរង្វាន់”៕ ប្រភព៖ dailymail