ក្រុម Everton ត្រៀមបណ្ដេញលោក Rafa Benitez ចោលហើយ ក្រោយពីដឹកនាំក្រុមធ្វើមិនបានល្អ ចាញ់ទាំងក្រុមបាតតារាង Norwich ថែមទៀត។
កាលពីប្រកួតយប់មិញនេះ ក្រុម Everton បានបរាជ័យក្រោមថ្វីជើងក្រុម Norwich ក្នុងលទ្ធផល ២-១ ដែលជាក្រុមរកគ្រាប់បាល់មិនបានសោះតាំងពីខែវិច្ឆិកាឆ្នាំ២០២១មក។ ការបរាជ័យទល់ក្រុមខ្សោយបំផុតនេះហើយ ទើបបានជាថ្នាក់ដឹកនាំក្លឹប Everton មានគម្រោងដកលោក Rafa Benitez ចោលហើយ ដោយការប្រកាសជាផ្លូវការនឹងធ្វើឡើងក្នុងពេលឆាប់ៗខាងមុខនេះ។
ក្រុម Everton នាពេលបច្ចុប្បន្ននេះ នៅលេខ១៥ក្នុងតារាង Premier League ដោយលេង១៩ប្រកួត ទើបមាន១៩ពិន្ទុប៉ុណ្ណោះ។ លោក Benitez ចូលមកដឹកនាំ កន្លងទៅក៏បាននាំយកកីឡាករល្អៗច្រើនមកដែរ ប៉ុន្តែជាក់ស្ដែងទម្រង់លេងមិនល្អប្រសើរឡើយ៕ប្រភព Dailymail
