អតីតវីរបុរសនៃក្លឹបហង្សក្រហម Liverpool លោក John Barnes បាននិយាយកាលពីពេលថ្មីៗនេះថា ក្រុមដឹកនាំដោយលោក Jurgen Klopp គួរណាតែពង្រឹងតំបន់បម្រើ តាមរយៈការនាំយកកីឡាករវ័យក្មេង ២ រូប បើទោះបីមិនអាចសម្រេចទៅបាននៅខែមករានេះក៏ដោយ។
នោះគឺយុវជននៃក្លឹប Borussia Dortmund និងក្លឹប Brighton។ ដោយតាមរយៈការលើកឡើងរបស់ Barnes និយាយ៖ “Jude Belling គឺនឹងក្លាយជាការនាំយកដ៏ល្អមួយសម្រាប់ Liverpool តែខ្ញុំមើលមិនឃើញគេអាចមកចូលរួមនៅខែមករានេះទេ ដូចគ្នាទៅនឹង Yves Bissouma នៅឯក្លឹប Brighton គេក៏សក្តិសមនឹងរបៀបលេងរបស់ Liverpool មួយក្នុងចំណោមខ្សែបម្រើតាំងបីផងដែរ”។
លោកបន្ត៖ “ពួកគេគឺជាអនាគតរបស់ក្លឹប តែមិនអាចយកបាននៅខែមករានេះទេ ជារួមមក Bellingham និង Bissouma អ្នកទាំងពីរ គេសក្តិសមនឹងរបៀបលេងនៅ Liverpool តែបើនិយាយពីក្លឹបផ្សេង គឺគេអាចមើលឃើញជម្រើសផ្សេងទៀត”។ រំឭកថា Bellingham នៅសល់កុងត្រាដល់ចុងខែមិថុនា ឆ្នាំ ២០២៥ អាចមានតម្លៃផ្ទេរ ៧៥ លានអឺរ៉ូ ស្របពេលដែល Bissouma ផុតនៅចុងខែមិថុនា ឆ្នាំ ២០២៣ អាចមានតម្លៃផ្ទេរ ២៥ លានអឺរ៉ូ៕
ប្រភព៖ Metro