Aston Villa នឹងត្រូវប្រកួតទល់ Man Utd នៅវេលាយប់នេះ ម៉ោង ១២:០០ នាទីរំលងអាធ្រាត្រ មានផ្សាយផ្ទាល់លើទំព័រ CTS Sports។ គិតត្រឹមជុំទី ១៩ United ឈរលេខ ៧ មាន ៣១ ពិន្ទុ ខណៈដែល Villa មាន ២២ ពិន្ទុ ឈរលេខ ១៤។
យ៉ាងណាអ្វីដែលគេចង់ឃើញបំផុតនោះ គឺវត្តមានខ្សែបម្រើប្រយុទ្ធថ្មី Philippe Coutinho ដែលទើបសម្រេចការផ្ទេរនៅលក្ខខណ្ឌខ្ចីជើងចេញពី Barcelona មករួមក្លឹបជាមួយអតីតមិត្តចាស់ ក្នុងនាមជាគ្រូនិងសិស្សគឺលោក Steven Gerrard។
និយាយអំពីការដែលអាចមានវត្តមាន កីឡាករប្រេស៊ីលឬអត់នៅយប់នេះ ក៏ស្រាប់តែ Gerrard បញ្ជាក់ច្បាស់ មិនថាតែ Coutinho និង Lucas Digne គឺសុទ្ធតែត្រៀមខ្លួនរួចរាល់ ជារួមគឺអាចនឹងបានចូលលេង គ្រាន់មិនបញ្ជាក់ថាជាប់ជម្រើសដំបូង ឬអង្គុយបម្រុង។
Gerrard និយាយមុនបើកការប្រកួត៖ “អ្នកទាំងពីរ [Coutinho និង Digne] មានឈ្មោះលេងដូចគ្នាសម្រាប់ប្រកួតខាងមុខនេះ តែយ៉ាងណា Coutinho គេមិនជាទាន់រៀបខ្លួនពេញលក្ខណៈនោះទេ ព្រោះគេបានហ្វឹកហាត់ច្រើនទាំងកាលនៅ Barcelona ក៏ដូចជាមកដល់ទីនេះ មានការនឿយហត់ នៅស្ថានភាពកូវីដកំពុងរីករាលដាលផង”។
លោកសង្កត់ធ្ងន់ថា៖ “វាជារឿងល្អដែលមាន Coutinho នៅទីនេះ ហើយឥឡូវជាកាតព្វកិច្ចរបស់ខ្ញុំ ក្នុងការជួយឲ្យគេសម្របនឹងការលេងនៅទីនេះ ក៏ដូចជានាំឲ្យគេរីករាយនឹងការលេងបាល់ទាត់សារជាថ្មី”៕
ប្រភព៖ Football-Espana