ក្លឹប Atletico Madrid ទើបតែសម្រេចការផ្ទេរចេញកីឡាករសំខាន់ Kieran Trippier ទៅឲ្យក្លឹប Newcastle United កាលពីពេលកន្លងទៅ ហើយឥឡូវក៏ទទួលដំណឹងថា ក្រុមការពារជើងឯក La Liga បានមើលឃើញគោលដៅ ដែលបម្រុងនឹងយកមកជំនួសកន្លែងកីឡាករអង់គ្លេសហើយ។
នោះគឺ Diogo Dalot នៃក្លឹប Man Utd ដែលគេជាកីឡាករលេងតំណែងការពារស្លាបស្តាំ តែជាមួយបិសាចក្រហម គេត្រឹមជាជម្រើសទីពីរ បន្ទាប់ពី Aaron Wan-Bissaka តែប៉ុណ្ណោះ។ ក្រុមដឹកនាំដោយលោក Diego Simeone បានដាក់ឈ្មោះ Dalot នៅគោលដៅអាទិភាព ហើយប្រសិនមិនអាចយកបាន នោះនឹងងាកទៅចរចា កីឡាករ Daniel Wass នៃក្លឹបរួមលីគ Valencia។ នេះបើតាមសារព័ត៌មាន AS បានចុះផ្សាយ។
បញ្ជាក់ឲ្យដឹងថា កីឡាករវ័យ ២២ ឆ្នាំ សញ្ជាតិព័រទុយហ្គាល់ គេក៏មិនសូវទទួលបានឱកាសលេងនោះដែរ ជាមួយ United មួយទៀតជួនពេលដែលសុពលភាពកុងត្រាសេសសល់ត្រឹមរយៈពេល ១៨ ខែផង ដូច្នេះថាមិនត្រូវ គេអាចនឹងសម្រេចចិត្តផ្ទេរចេញក៏ថាបាន។ បើតាមហាងឆេងតម្លៃខ្លួន At ទំនងជាត្រូវចាយ ល្បាក់ ១៥ ទៅ ២៥ លានផោន សម្រាប់ការផ្ទេរសារនេះ៕
ប្រភព៖ AS