នៅវគ្គពាក់កណ្តាលផ្តាច់ព្រ័ត្រ ពានរង្វាន់ Supercoppa de Espana នៅឯប្រទេសអារ៉ាប៊ីសាអូឌីត ខាងក្រុមអ្នកមានបុណ្យបានបរាជ័យក្រោមថ្វីជើងអធិរាជស ២-៣ ដោយសារគ្រាប់បាល់ថែមម៉ោង ១៥ នាទីពីរដង របស់ខ្សែបម្រើ Federico Valverde នៅនាទី ៩៨។
ជាមួយជ័យជម្នះសារនេះ ក៏ដូចជាការចូលរួមចំណែកដ៏ល្អ ឲ្យ Real Madrid អាចឡើងទៅកាន់វគ្គផ្តាច់ព្រ័ត្រ Valverde ក៏បាននិយាយអំពីទម្រង់លេងរបស់ Barcelona ថាពួកគេនៅតែដូចជា Barcelona កាលពីមុន បើទោះបីលទ្ធផលប្រកួតខ្លះក្រុមនេះ បង្ហាញមកផ្សេងក៏ដោយ។
តាមសម្រង់សម្តីចុះផ្សាយដោយកាសែត Marca ខ្សែបម្រើសញ្ជាតិអ៊ុយរុយហ្គាយនិយាយ៖ “ពួកគេនៅតែឲ្យយើងមើលឃើញថា Barcelona នៅតែជា Barcelona ដូចកាលពីមុន បើទោះបីប្រកួតខ្លះលទ្ធផលចេញមកផ្សេង សម្រាប់ប្រកួតនេះវិញ ក្រុមរបស់យើងគួរតែអាចចម្រាញ់ឱកាសដែលយើងបង្កើត ឲ្យក្លាយជាគ្រាប់បាល់លឿនជាងនេះបន្តិច”។
នេះ Real Madrid កំពុងរង់ចាំលទ្ធផលរបស់ Atletico Madrid និង Athletic Bilbao នៅរាត្រីនេះ ដើម្បីច្បាស់ថា ក្រុមណាមួយនឹងក្លាយជាគូប្រជែងរបស់ខ្លួន នៅថ្ងៃទី ១៦ មករាខាងមុខ សម្រាប់វគ្គផ្តាច់ព្រ័ត្រពាន Super Cup របស់ប្រទេសអេស្ប៉ាញ៕
ប្រភព៖ Marca