Federico Chiesa បានរងរបួសជង្គង់ និងត្រូវអវត្តមានដល់បញ្ចប់រដូវកាលឯណោះ ដែលនេះបានក្លាយជាក្តីកង្វល់ដ៏ធំមួយសម្រាប់ក្លឹបសេះបង្កង់ Juventus ជាពិសេសគឺការប្រជែងកៅអី Top 4 នៅក្របខ័ណ្ឌ Serie A។ បញ្ជាក់ឲ្យដឹងបន្តិច Juve កំពុងឈរលេខ ៥ មាន ៣៨ ពិន្ទុ នៅចាញ់ Atalanta ៣ ពិន្ទុ ហើយនាំមុខគេមួយជុំមុនទៀត។
ដោយមើលឃើញពីបញ្ហានេះ ជាបញ្ហាចម្បងរបស់ក្លឹប អ្នកចាត់ការលោក Massimiliano Allegri ក៏ត្រូវបានគេរាយការណ៍ថា បានរំអុកឲ្យថ្នាក់លើក្លឹប ដាក់សំណើទៅកាន់ក្លឹប Barcelona ហើយ ជុំវិញការចង់ខ្ចីជើងបណ្តោះអាសន្ន នូវខ្សែប្រយុទ្ធ Memphis Depay ពោលពីខែមករា ដល់ចុងខែមិថុនា ឆ្នាំ ២០២២។ នេះបើតាមអ្នកកាសែតអ៊ីតាលីលោក Gianluca di Marzio បានចុះផ្សាយ។
សម្រាប់ Depay គេក៏ទើបតែត្រលប់ពីជាសះស្បើយរបួស ហើយសេសសល់កុងត្រារយៈពេល ១៨ ខែនៅក្លឹបម្ចាស់ដី Camp Nou។ យើងក៏មិនច្បាស់ថា ក្រុមដឹកនាំដោយលោក Xavi Hernandez ព្រមប្រគល់កីឡាករហូលង់ ទៅឲ្យ Juve ឬអត់ដែរ តែថាមិនត្រូវ បើចង់សម្រាលបន្ទុកចំណាយ នោះការជ្រេ Depay ចេញរយៈពេលខ្លី ក៏ជាផែនការណ៍ល្អមួយដែរ៕
ប្រភព៖ Sportsmole