ក្រុមកាំភ្លើងធំ Arsenal បានបរាជ័យក្រោមថ្វីជើងក្រុម Nottingham Forest ក្នុងលទ្ធផល ១-០ ក្នុងការប្រកួតពានរង្វាន់ FA Cup កាលពីយប់មិញនេះ។
ក្រុម Nottingham Forest ដែលស្ថិតនៅលីគលំដាប់ក្រោមនោះធ្វើបានល្អណាស់ក្នុងការប្រកួតជាមួយក្រុម Arsenal នៅយប់មិញ។ ពួកគេរកបាន១គ្រាប់ដែលជាគ្រាប់បាល់ជ័យជម្នះនៅនាទី៧ ដោយកីឡាករ Lewis Grabban ។ ខណៈដែលក្រុមកាំភ្លើងធំវិញ ព្យាយាមសម្រុកទៅវិញដែរ តែហាក់មិនមានប្រសិទ្ធភាពនោះទេ។
ក្រោយពីបរាជ័យប្រកួតនេះទៅ លោក Arteta ដែលជាអ្នកចាត់ការក្រុមបាននិយាយថាសមាជិកទាំងមូលលេងប្រកួតនេះអន់ខ្លាំង ហើយហាក់ដូចជាមិនចង់ឈ្នះការប្រកួតនោះទេ។ ក្រុមគួរតែធ្វើបានល្អជាងនេះ ហើយបរាជ័យនេះពិតជាធ្វើឱ្យលោកអស់សង្ឃឹមខ្លាំងមែនទែន៕ប្រភព៖ DailyMail
