Philippe Coutinho ទំនងជានឹងចាកចេញពីក្លឹប Barcelona ជាលើកទី ២ នៅលក្ខខណ្ឌខ្ចីជើង សម្រាប់ទីផ្សារដោះដូរខែមករា ឆ្នាំ ២០២២ ដោយសារនេះ គឺផ្ទេរទៅក្លឹបនៅឯក្របខ័ណ្ឌ Premier League ដែលអតីតកាលគេធ្លាប់បម្រើអាជីពឲ្យហង្សក្រហម Liverpool។
យ៉ាងណាការផ្ទេរសារនេះ គឺទៅចូលរួមលោក Steven Gerrard ជាអ្នកចាត់ការនៃក្លឹប Aston Villa វិញម្តង ហើយឥឡូវក៏ទទួលដំណឹងមកថា គេបានទៅរកមើលផ្ទះទុកស្នាក់អាស្រ័យក្នុងទីក្រុង Birmingham ដែលជាទីក្រុងនៃក្លឹប Aston Villa ហើយ។ នេះបើតាមសារព័ត៌មាន Diario Sport បានចុះផ្សាយ។
គួរបញ្ជាក់ដែរថា Coutinho គេសេសសល់កុងត្រាជាមួយក្លឹបអាណាព្យាបាល Barcelona ដល់ចុងខែមិថុនា ឆ្នាំ ២០២៣។ គោលបំណងចង់ទៅលេងឲ្យ Villa គឺផ្តោតដើម្បីចង់បង្ហាញសមត្ថភាព ក្នុងការទទួលបានឱកាសជាប់ឈ្មោះទៅលេងឲ្យជម្រើសជាតិប្រេស៊ីល នៅ World Cup នាឯចុងឆ្នាំឯណោះ។ បញ្ជាក់ថា បច្ចុប្បន្ន Villa កំពុងឈរចំណាត់ថ្នាក់ទី ១៣ នៅ Premier League៕
ប្រភព៖ Diario Sport