លោក Ed Woodward នឹងត្រូវចុះចេញពីតំណែង នៅចុងខែមករាខាងមុខនេះ ហើយបន្តពីថ្ងៃទី ១ កុម្ភៈ ឆ្នាំ ២០២២ តទៅ នឹងត្រូវចូលមកជំនួសដោយលោក Richard Arnold នៅតំណែងជានាយកប្រតិបត្តិ [CEO]។ នេះបើតាមការចុះផ្សាយច្បាស់ការ ចេញពីទំព័រផ្លូវការក្លឹប Man Utd។
ចុះអ្នកមានដឹងទេថា Ricard Arnold គឺជានរណា? ត្រួសៗពីបុរសវ័យ ៥០ ឆ្នាំរូបនេះ លោកបានធំធាត់ឡើងនៅឯភាគពាយ័ព្យនៃចក្រភពអង់គ្លេស ហើយបានទៅសិក្សានៅមហាវិទ្យាល័យ Bristol University ដូចជាលោក Woodward ដែរ។
លោកបានមកចូលរួមជាមួយ United នៅឆ្នាំ ២០០៧ ហើយបានក្លាយជានាយកជាន់ខ្ពស់ Group Managing Director នៅឆ្នាំ ២០១៣ ជាតួនាទីមើលការខុសត្រូវលើប្រតិបត្តិការ និងអាជីវកម្មទាំងអស់របស់ក្លឹប។
យ៉ាងណាមុនមកបម្រើការក្នុងវិស័យបាល់ទាត់ ដើមឡើយ លោកក៏ធ្លាប់ជាបុគ្គលិកនៅក្រុមហ៊ុនបច្ចេកវិទ្យាមួយកន្លែង និងនៅក្រុមហ៊ុនគណនេយ្យករ PricewaterhouseCoopers ជាកន្លែងដែលធ្វើឲ្យលោកបានស្គាល់គ្នានឹងមិត្តភក្តិគឺលោក Woodward។ ចំណែកឯប្រាក់ឈ្នួលសារនេះវិញ ក្នុងនាមជានាយកប្រតិបត្តិនៅក្លឹប Man Utd បើមិនមានការប្រែប្រួលនឹងប្រាក់ឈ្នួលរបស់មេចាស់ នោះក្នុងមួយឆ្នាំ អាចទទួលបាន ៣,០៩ លានផោន ឬខ្ទង់ ៤,១៨ លានដុល្លារ៕
ប្រភព៖ Goal