តារាឆ្នើមអ៊ុយរុយហ្គាយ Luis Suarez នៅសល់កុងត្រាជាមួយក្លឹប Atletico Madrid ត្រឹមចុងខែមិថុនា ឆ្នាំ ២០២២ ខាងមុខនេះតែប៉ុណ្ណោះ ហើយតាមដឹង គេទំនងជានឹងមិនបន្តកុងត្រាថ្មីអ្វីនោះទេ ហើយប្រហែលទៅរកក្លឹបចុងក្រោយ ដើម្បីឈរជើង មុនប្រកាសចូលនិវត្តតែម្តង។
បុរសវ័យ ៣៤ ឆ្នាំរាប់ថាជោគជ័យហើយ សូម្បីតែជាមួយក្លឹប At ដ្បិតមករួមជើងរយៈពេលខ្លី តែបានជួយក្រុមដល់លើកពានរង្វាន់ La Liga កាលពីរដូវកាលមុន។ យ៉ាងណាចូលដល់រដូវកាលថ្មី ការរកគ្រាប់បាល់របស់ Suarez ហាក់រាងខ្សត់បន្តិច ដោយ ២៥ ប្រកួត ទើបរកបាន ៨ គ្រាប់និង Assist ២ លើកប៉ុណ្ណោះ។
បង្វែរទៅទ្រនំបន្ទាប់ តាមការចុះផ្សាយរបស់សារព័ត៌មានក្រៅស្រុកបានឲ្យដឹងថា អតីតកូនក្រុម Barca រូបនេះ ក្រោយចប់កុងត្រានៅចុងខែមិថុនាខាងមុខ គេនឹងសម្រេចផ្ទេរទៅក្លឹបថ្មីណាមួយនៅទឹកដីសហរដ្ឋអាមេរិក ពោលគឺរួមអាជីពឲ្យក្លឹបនៅលីគកំពូល MLS មួយរយៈបន្ថែមទៀតសិន មុននឹងប្រកាសព្យួរស្បែកជើងពីអាជីពជាកីឡាករ៕
ប្រភព៖ AF