ក្លឹបចចក Wolves ឬត្រូវបានគ្នាយើងហៅថា ក្លឹបកូនកាត់ព័រទុយហ្គាល់ បានប្រកាសដំណឹងផ្លូវការថ្មីៗនេះ ជុំវិញការយកបានខ្សែបម្រើជនជាតិជប៉ុន គឺ Hayao Kawabe ពីក្លឹប Grasshopper Club Zurich នៃលីគកំពូលប្រទេសស្វីស។
បុរសវ័យ ២៦ ឆ្នាំ បានក្លាយជាកីឡាករជប៉ុនដំបូង ដែលបានមកចូលរួមជាមួយក្លឹប Wolves ហើយកិច្ចព្រមព្រៀងសារនេះ គឺមានសុពលភាពរយៈពេល ៣ ឆ្នាំកន្លះ។ Kawabe គេនឹងមកចូលរួមនៅក្លឹបអង់គ្លេស នារដូវក្តៅខាងមុខ ពោលបន្តខ្ចីជើងឲ្យក្លឹប Grasshopper ដល់បញ្ចប់រដូវកាលនេះសិន។
តាមការឲ្យដឹងពីនាយកផ្នែកបច្ចេកទេសលោក Scott Sellars នៃក្លឹប Wolves លើកឡើងថា៖ “Hayao ជាកីឡាករដែលយើងតាមឃ្លាំមើលយូរណាស់ហើយ គេពិតជាធ្វើបានល្អណាស់នៅរដូវកាលនេះ ដោយគេជាខ្សែបម្រើប្រយុទ្ធដ៏សកម្ម និងពោរពេញដោយគុណភាព”។
គួររំឭកថាបុរសវ័យ ២៦ ឆ្នាំ អតីតក្លឹបធ្លាប់លេងឲ្យក្លឹបនៅអឺរ៉ុបតែ Grasshopper មួយប៉ុណ្ណោះ ខណៈក្លឹបផ្សេងទៀតក្នុងអាជីពសុទ្ធសឹងនៅឯលីគប្រទេសជប៉ុន។ ដូច្នេះនេះជាឱកាសល្អមួយហើយ សម្រាប់ការអភិវឌ្ឍខ្លួន ជាមួយក្លឹបធំនៅអង់គ្លេស។ Wolves សព្វថ្ងៃនៅ PL ពួកគេកំពុងឈរលេខរៀងទី ៨ ប្រដេញចំណាត់ថ្នាក់ជាមួយនឹង Man Utd៕
ប្រភព៖ Sky Sports