លោក Thomas Tuchel អ្នកចាត់ការក្រុម Chelsea បានបង្ហាញការកោតសរសើរចំពោះការតាំងចិត្តរបស់ខ្សែប្រយុទ្ធ Kai Havertz ដែលប្រឹងប្រែងលេងទាំងមានបញ្ហារបួសបាក់កូនដៃ។
ក្រុមតោខៀវ Chelsea បានយកឈ្នះលើក្រុម Spurs ក្នុងលទ្ធផល ២-០ កាលពីយប់មិញ សម្រាប់ការប្រកួតជើងទី១នៃពានរង្វាន់ Carabao Cup វគ្គពាក់កណ្ដាលផ្ដាច់ព្រ័ត្រ។ ក្នុងការប្រកួតនោះដែរ Havertz ជាកីឡាករឆ្នើមជាងគេ ដោយរកគ្រាប់បាល់គ្រាប់ទី១បាន ហើយអ្វីដែលពិសេសជាងនេះទៀត គឺរូបគេប្រឹងលេងទាំងមានរបួសបាក់ម្រាមដៃផង។
លោក Tuchel បាននិយាយក្រោយចប់ការប្រកួតថា៖ “Kai មានបញ្ហាជាមួយម្រាមដៃគាត់ គាត់បាក់ម្រាមដៃមួយ ហើយមើលទៅពិតជាអាក្រក់ណាស់។ គាត់បានលេងទាំងឈឺចាប់ រហូតដល់ចប់តង់ទី១ ហើយយើងក៏សម្រេចចិត្តប្ដូរគាត់ចេញ”៕ ប្រភព៖ DAILYMAIL
