Christian Eriksen ក្រោយប្រកាសបញ្ចប់កុងត្រាជាមួយក្លឹប Inter Milan ក្រោយមានបញ្ហាជំងឺបេះដូង មកទល់ពេលនេះ គេមិនទាន់រកបានក្លឹបថ្មីឈរជើងនៅក្លឹប ស្របពេលដែលជាមួយជម្រើសជាតិ ក៏មិនច្បាស់ថា ត្រូវចូលនិវត្ត ឬបន្តបែបណានោះដែរ។
យ៉ាងណាតាមការលើកឡើងរបស់ខ្សែបម្រើវ័យ ២៩ ឆ្នាំ បានអះអាងកន្លងទៅថា សម្រាប់ព្រឹត្តិការណ៍ World Cup 2022 ក្នុងប្រទេសកាតានាពេលខាងមុខ ខ្លួននៅតែចង់ចូលរួមជួយជម្រើសជាតិដាណឺម៉ាកដដែល ពោលវាបំណងប្រាថ្នាដ៏ធំមួយក្នុងអាជីព។
Eriksen គេក៏បានជួយក្រុមលេងនៅ Euro 2020 កន្លងទៅដែរ តែបានប៉ុន្មានប្រកួតដំបូងប៉ុណ្ណោះ។ កន្លងទៅនេះ អតីតកូនក្រុម Inter/Spurs និយាយ៖ “គោលដៅរបស់ខ្ញុំ គឺចង់លេង World Cup នៅកាតា ខ្ញុំពិតជាចង់លេងខ្លាំងណាស់ ដោយវាស្ថិតក្នុងការគិតរបស់ខ្ញុំយូរណាស់ហើយ”។
លោកបន្ត៖ “ត្រង់រឿងឈ្មោះរបស់ខ្ញុំត្រូវបានជម្រើសជាតិកោះហៅឬអត់ជារឿងមួយផ្សេងទៀត តែក្តីស្រមៃរបស់ខ្ញុំគឺចង់ត្រលប់ទៅវិញ ខ្ញុំច្បាស់ណាស់ ខ្ញុំចង់ត្រលប់ទៅជួយក្រុមវិញ ព្រោះខ្ញុំមិនមានអារម្មណ៍ខុសប្លែកអ្វីធៀបនឹងពេលមុនឡើយ”៕
ប្រភព៖ SportBible