និយាយដល់ឈ្មោះកីឡាករដែលលោកចង់បម្រើអាជីពជាមួយ ក៏ដូចជាទុកចិត្តលើសមត្ថភាពរបស់គេ ក្នុងការចាំគាំទ្រពីក្រោយ ក្នុងនាមខ្លួនជាខ្សែការពារ លោក Rio Ferdinand បានចុចឈ្មោះ អ្នកចាំទីសេណេហ្គាល់ Edouard Mendy។
និយាយលើប៉ុស្តិ៍ YouTube កាលពីពេលកន្លងទៅ Rio ថា៖ “Mendy នឹងក្លាយជាអ្នកចាំទី ដែលខ្ញុំចង់ឲ្យគេនៅពីក្រោយ ហើយក៏អាចជាជម្រើសល្អបំផុតទាំងពីរ ឬបីក្នុងពិភពលោក ដែលខ្ញុំត្រូវជ្រើសរើសផងដែរ”។
គួរបញ្ជាក់ថា Ferdinand ជាអតីតកីឡាករនៅបិសាចក្រហម តែមិនបានចុចឈ្មោះសមាជិក United រូបណាមួយទេ ផ្ទុយទៅវិញបែរជាមកចុចឈ្មោះកីឡាករនៅក្លឹបគូប្រជែង Chelsea។ ទៅមើលស្ថិតិរបស់កីឡាករក្លឹបតោខៀវបន្តិច គេកំពុងសកម្មនៅតំណែងដៃទីមួយរដូវកាលនេះ ដោយបង្ហាញខ្លួន ២៦ ប្រកួត ស្មើនឹងជាង ២ ៣០០ នាទី តែឥឡូវគេជាប់ភារកិច្ច ត្រូវដកឃ្លាទៅជួយជម្រើសជាតិបណ្តោះអាសន្ន នៅ Africa Cup of Nations៕
ប្រភព៖ Sportskeeda