ក្រុមហង្សក្រហម Liverpool បានធ្វើលិខិតស្នើជាផ្លូវការទៅខាងអ្នករៀបចំពានរង្វាន់ Carabao Cup ដើម្បីផ្អាកការប្រកួតទល់ក្រុម Arsenal នៅជើងទី១យប់នេះ ដោយសារក្រុមមានសមាជិកឆ្លងកូវីដ១៩ច្រើននាក់ពេក។
តាំងពីម្សិលមិញ ក្រុម Liverpool បានរំសាយការហ្វឹកហាត់ទៅហើយ ដោយសារតែក្លឹបរាយការណ៍ពីចំនួនអ្នកឆ្លងកូវីដ១៩ក្នុងក្រុមមានការកើនឡើងខ្លាំង។ មួយវិញទៀត សមាជិកក្រុមមួយចំនួនក៏មិនអាចលេងបានទៀត ដោយសារជាប់ភារកិច្ចនៅជម្រើសជាតិដូចជា Mohamed Salah , Sadio Mane និង Naby Keita ជាដើម ដែលត្រូវទៅលេងជម្រើសជាតិនៅពានរង្វាន់ Africa Cup of Nations ។
ដោយមើលឃើញពីការខ្វះខាតកីឡាករច្រើននាក់នេះហើយ ទើបបានជាក្រុម Liverpool បានស្នើសុំផ្អាកការប្រកួតជាមួយ Arsenal នៅជើងទី១ពានរង្វាន់ Carabao Cup សិន។ ដោយពេលនេះរង់ចាំតែការសម្រេចប៉ុណ្ណោះពីសំណាកអ្នករៀបចំ៕ប្រភព Bbc
