ខ្សែប្រយុទ្ធ Romelu Lukaku បានចេញមុខមកសុំទោសអ្នកគាំទ្រ Chelsea ក្រោយពីរូបគេបាននិយាយសម្ដីមិនសមរម្យប៉ះពាល់ដល់កិត្តិយសក្លឹប។
កាលពីប៉ុន្មានថ្ងៃមុន ខ្សែប្រយុទ្ធ Lukaku បាននិយាយថាខ្លួនលែងចង់លេងឱ្យក្រុម Chelsea ទៀតហើយបើទោះជាទើបផ្លាស់មកបាន៤ខែក៏ដោយ។ កីឡាករបែលហ្សិកនេះ ចង់ត្រលប់ទៅលេងនៅក្រុម Inter Milan វិញដែលជាកន្លែងខ្លួនពេញចិត្តបំផុត ហើយហេតុផលមួយទៀតដែលធ្វើឱ្យគេចង់ដើរចេញនោះគឺមិនពេញចិត្តក្បួនដឹកនាំរបស់លោក Thomas Tuchel ។
ការនិយាយស្ដីបែបនេះហើយទើបធ្វើឱ្យខាងក្លឹប Chelsea ខឹង បូករួមទាំងអ្នកចាត់ការ Tuchel ផងដែរ។ Lukaku ត្រូវបានក្រុម Chelsea ពិន័យ ដោយមិនឱ្យចូលប្រកួតទល់ក្រុម Liverpool កាលពីចុងសប្ដាហ៍កន្លងទៅ តែកាលពីម្សិលមិញនេះឃើញមានវត្តមានមកហាត់ជាមួយក្រុមវិញ ក្រោយនិយាយគ្នាច្បាស់ជាមួយលោក Tuchel ។
Lukaku ក៏ចេញមុខមកសុំទោសអ្នកគាំទ្រ Chelsea វិញដែរ ចំពោះការនិយាយស្ដីមិនល្អរបស់ខ្លួន។ មួយវិញទៀតរូបគេនឹងប្រឹងប្រែងបន្ថែមទៀត ដើម្បីស្ដាទំនុកចិត្តឡើងវិញ ក៏ដូចជាជួយក្រុមឱ្យបានច្រើនបំផុតតាមដែលអាចធ្វើបាន៕ប្រភព Dailymail
