ប្រធានក្លឹប FC Barcelona លោក Joan Laporta បានអះអាងថានៅរដូវក្ដៅខាងមុខនេះ នឹងទិញយកខ្សែប្រយុទ្ធ Haaland ពីក្រុម Dortmund មករួមក្រុមឱ្យបាន។
បន្ទាប់ពីប្រកាសថាក្រុម Barcelona នឹងប្រឡូកក្នុងទីផ្សារទិញដូរកីឡាករវិញកាលពីម្សិលមិញ នៅពេលនេះលោក Laporta ក៏បានបង្ហើបគម្រោងធំមួយទៅហើយ។ ដោយលោកចិញ្ចឹមចិត្តចង់បាន Haaland ដែលកំពុងឡើងជើងនៅក្រុម Dortmund មករួមក្រុម។ កីឡាករន័រវែសរូបនេះ ត្រូវបានក្លឹបជាច្រើនប្រជែងគ្នាទិញមានទាំង Manchester City , Real Madrid និង Barcelona នេះជាដើម។
លោក Laporta បានសង្កត់ធ្ងន់ថា៖ “ខ្ញុំនឹងទិញ Haaland នៅរដូវក្ដៅខាងមុខនេះ”។ ការនិយាយច្បាស់ៗបែបនេះ ក៏ព្រោះតែលោកចង់បង្កើតតំបន់ប្រយុទ្ធដ៏មុតស្រួចឡើងវិញ ដោយបច្ចុប្បន្នមានAnsu Fati, Pedri និង Ferran Torres ទៅហើយ ដូច្នេះបើបាន Haaland ទៀត នោះនឹងកាន់តែធ្វើឱ្យក្រុមអ្នកមានបុណ្យក្លាយជាខ្លាដុះស្លាបហើយ៕ប្រភព Marca
